ਫਗਵਾੜਾ – ਸੰਘਣੀ ਧੁੰਦ ਕਾਰਨ ਪਲਟਿਆ ਟਰੱਕ

ਪਾਂਸ਼ਟਾ, 31 ਦਸੰਬਰ (ਰਜਿੰਦਰ) – ਪੰਜਾਬ ਵਿਚ ਸੰਘਣੀ ਧੁੰਦ ਦੇ ਚੱਲਦਿਆ ਆਮ ਜਨ ਜੀਵਨ ਪ੍ਰਭਾਵਿਤ ਹੈ ਤੇ ਕਾਫੀ ਸੜਕ ਹਾਦਸੇ ਹੋ ਰਹੇ ਹਨ। ਫਗਵਾੜਾ ਨੇੜਲੇ ਪਿੰਡ ਨਰੂੜ ਵਿਖੇ ਵੀ ਸੰਘਣੀ ਧੁੰਦ ਦੇ ਚੱਲਦਿਆ ਉਸ ਸਮੇਂ ਵੱਡਾ ਹਾਦਸਾ ਹੋਣੋ ਟਲ ਗਿਆ ਜਦੋਂ ਇੱਕ ਟਰੱਕ ਬੇਕਾਬੂ ਹੋ ਕੇ ਪਲਟ ਗਿਆ। ਗਨੀਮਤ ਰਹੀ ਕਿ ਟਰੱਕ ਵਿਚ ਸਵਾਰ 5 ਵਿਅਕਤੀ ਬਾਲਾ ਬਾਲ ਬਚ ਗਏ।ਇਸ ਸਬੰਧੀ ਟਰੱਕ ਚਾਲਕ ਦੀਪਾਲ ਨੇ ਦੱਸਿਆ ਕਿ ਉਹ ਪਾਂਸ਼ਟਾ ਦੇ ਪੋਲਟਰੀ ਫਾਰਮ ਤੋਂ ਲੁਧਿਆਣਾ ਨੂੰ ਜਾ ਰਹੇ ਸਨ ਕਿ ਨਰੂੜ ਨਜ਼ਦੀਕ ਅੱਗੇ ਟੋਚਨ ਪਾ ਕੇ ਲਿਜਾਈ ਜਾ ਰਹੀ ਟਰਾਲੀ ਧੁੰੰਦ ਕਾਰਨ ਉਨ੍ਹਾਂ ਨੂੰ ਦਿਖਾਈ ਨਹੀਂ ਦਿੱਤੀ ਤੇ ਇੱਕਦਮ ਬਰੇਕ ਲਗਾਉਣ ਕਾਰਨ ਟਰੱਕ ਪਲਟ ਗਿਆ। ਹਾਦਸੇ ਤੋਂ ਬਾਅਦ ਕਾਫੀ ਦੇਰ ਟ੍ਰੈਫਿਕ ‘ਚ ਵਿਘਨ ਪਿਆ ਤੇ ਸੜਕ ਉੱਪਰ ਵਾਹਨਾਂ ਦੀਆਂ ਕਤਾਰਾਂ ਲੱਗ ਗਈਆਂ।ਉਪਰੰਤ ਜੇ.ਸੀ.ਬੀ ਦੀ ਮਦਦ ਨਾਲ ਟਰੱਕ ਨੂੰ ਸਿਧੱਾ ਕਰਵਾ ਕੇ ਟ੍ਰੈਫਿਕ ਸੁਚਾਰੂ ਕੀਤਾ ਗਿਆ।