ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਮੁਹੰਮਦ ਹਫੀਜ਼ ਨੇ ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਲਿਆ ਸੰਨਿਆਸ

ਇਸਲਾਮਾਬਾਦ, 3 ਜਨਵਰੀ – ਪਾਕਿਸਤਾਨ ਦੀ ਕ੍ਰਿਕੇਟ ਟੀਮ ਦੇ ਆਲਰਾਊਂਡਰ ਅਤੇ ਸਾਬਕਾ ਕਪਤਾਨ ਮੁਹੰਮਦ ਹਫੀਜ਼ ਨੇ ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਸੰਨਿਆਸ ਲੈ ਲਿਆ ਹੈ। ਉਨ੍ਹਾਂ ਦਾ ਅੰਤਰਰਾਸ਼ਟਰੀ ਕ੍ਰਿਕੇਟ ਕੈਰੀਅਰ 18 ਸਾਲ ਚੱਲਿਆ। ਆਪਣੇ ਕੈਰੀਅਰ ਵਿਚ ਉਹ 32 ਵਾਰ ਮੈਨ ਆਫ ਦੀ ਮੈਚ ਰਹੇ, ਜਿਨ੍ਹਾਂ ਨੇ 218 ਵਨਡੇ ਵਿਚ 11 ਸੈਂਕੜੇ ਲਗਾਉਣ ਦੇ ਨਾਲ ਨਾਲ 139 ਵਿਕਟਾਂ ਹਾਸਿਲ ਕੀਤੀਆਂ ਜਦਕਿ 55 ਟੈਸਟਾਂ ਵਿਚ 10 ਸੈਂਕੜੇ ਅਤੇ 55 ਵਿਕਟਾਂ ਅਤੇ 119 ਟੀ-20 ਵਿਚ 61 ਵਿਕਟਾਂ ਮੁਹੰਮਦ ਹਫੀਜ਼ ਦੇ ਨਾਂਅ ਹਨ।2007 ਤੋਂ ਲੈ ਕੇ 2021 ਤੱਕ ਇੱਕ ਟੀ-20 ਵਿਸ਼ਵ ਕੱਪ ਛੱਡ ਕੇ ਸਾਰੇ ਟੀ-20 ਵਿਸ਼ਵ ਕੱਪ ਮੁਹੰਮਦ ਹਫੀਜ਼ ਨੇ ਖੇਡੇ ਹਨ।ਇਸ ਦੌਰਾਨ 2009 ਵਿਚ ਵਿਸ਼ਵ ਕੱਪ ਜਿੱਤਣ ਵਾਲੀ ਪਾਕਿਸਤਾਨੀ ਟੀਮ ਦਾ ਵੀ ਉਹ ਹਿੱਸਾ ਸਨ।ਆਪਣੇ ਸੰਨਿਆਸ ਦੀ ਅਧਿਕਾਰਿਤ ਘੋਸ਼ਣਾ ਉਹ ਅੱਜ ਪ੍ਰੈੱਸ ਕਾਨਫਰੰਸ ਦੌਰਾਨ ਕਰਨਗੇ।