ਰਵਨੀਤ ਬਿੱਟੂ ਨੇ ਨਾਂਅ ਲਏ ਬਗੈਰ ਨਵਜੋਤ ਸਿੱਧੂ ਉੱਪਰ ਸਾਧਿਆ ਨਿਸ਼ਾਨਾ

ਲੁਧਿਆਣਾ, 31 ਮਾਰਚ – ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਦੀ ਚੋਣ ਤੋਂ ਪਹਿਲਾਂ ਹੀ ਕਾਂਗਰਸ ਦਾ ਕਾਟੋ ਕਲੇਸ਼ ਜ਼ੋਰਾਂ ‘ਤੇ ਹੈ ਤੇ ਆਏ ਦਿਨ ਕਾਂਗਰਸੀ ਆਗੂਆਂ ਵੱਲੋਂ ਇੱਕ ਦੂਸਰੇ ਖਿਲਾਫ ਗਲਤ ਬਿਆਨਬਾਜ਼ੀ ਕੀਤੀ ਜਾ ਰਹੀ ਹੈ। ਇਸੇ ਲੜੀ ਨੇ ਕਾਂਗਰਸ ਦੇ ਸੰਸਦ ਮੈਂਬਰ ਰਵਨੀਤ ਬਿੱਟੂ ਨੇ ਨਿੱਜੀ ਨਿਊਜ਼ ਚੈਨਲ ਨਾਲ ਗੱਲਬਾਤ ਕਰਦਿਆ ਨਾਂਅ ਲਏ ਬਗੈਰ ਨਵਜੋਤ ਸਿੰਘ ਸਿੱਧੂ ਨੂੰ ਲੰਮੇ ਹੱਥੀ ਲਿਆ। ਉਨ੍ਹਾਂ ਕਿਹਾ ਕਿ ਮਿਸਗਾਈਡੇਡ ਮਿਜ਼ਈਲ ਸਾਡੇ ਹੀ ਘਰ ‘ਚ ਚੱਲੀ ਹੈ ਤੇ ਮਿਸਗਾਈਡੇਡ ਮਿਜ਼ਈਲ ਨੇ ਸਾਡਾ ਹੀ ਲਸ਼ਕਰ ਉਡਾ ਦਿੱਤਾ। ਕਾਂਗਰਸ ਨੇ ਗਧਿਆਂ ਤੋਂ ਸ਼ੇਰ ਮਰਵਾ ਦਿੱਤੇ ਕਿਉਂਕਿ ਕਾਂਗਰਸ ਨੇ ਪੰਜਾਬ ‘ਚ ਗਧਿਆ ‘ਤੇ ਦਾਅ ਲਗਾਇਆ ਸੀ।ਸਾਡੀ ਲੀਡਰਸ਼ਿਪ ਨੇ ਹੀ ਪੰਜਾਬ ‘ਚ ਕਾਂਗਰਸ ਨੂੰ ਤਬਾਹ ਕੀਤਾ ਹੈ।