ਕਾਬੁਲ ‘ਚ ਲੜੀਵਾਰ ਬੰਬ ਧਮਾਕੇ, 25 ਮੌਤਾਂ-ਕਈ ਜਖਮੀਂ

ਕਾਬੁਲ, 19 ਅਪ੍ਰੈਲ – ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ‘ਚ ਲੜੀਵਾਰ ਬੰਬ ਧਮਾਕੇ ਹੋਏ ਹਨ। ਨਿਊਜ਼ ਏਜੰਸੀ ਅਨੁਸਾਰ ਇਨ੍ਹਾਂ ਧਮਾਕਿਆਂ ‘ਚ 25 ਲੋਕਾਂ ਦੀ ਮੌਤ ਹੋਈ ਹੈ ਜਦਕਿ ਕਈ ਲੋਕਾਂ ਦੇ ਜਖਮੀਂ ਹੋਣ ਦਾ ਖਦਸ਼ਾ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਇਹ ਧਮਾਕੇ ਪੱਛਮੀ ਕਾਬੁਲ ਵਿਚ ਹੋਏ ਹਨ, ਜਿਨ੍ਹਾਂ ‘ਚ ਪਹਿਲਾ ਧਮਾਕਾ ਮੁਮਤਾਜ਼ ਐਜੂਕੇਸ਼ਨਲ ਸੈਂਟਰ ਨੇੜੇ ਹੋਇਆ, ਦੂਜਾ ਧਮਾਕਾ ਅਬਦੁਲ ਰਹੀਮ ਸ਼ਹੀਦ ਹਾਈ ਸਕੂਲ ਨੇੜੇ ਹੋਇਆ ਜਦਕਿ ਤੀਜਾ ਧਮਾਕਾ ਵੀ ਸਕੂਲ ਨੇੜੇ ਹੋਇਆ ।ਜਿਸ ਸਮੇਂ ਇਹ ਧਮਾਕੇ ਹੋਏ ਬੱਚੇ ਛੁੱਟੀ ਦੌਰਾਨ ਸਕੂਲ ਤੋਂ ਬਾਹਰ ਆ ਰਹੇ ਸਨ।