ਲੁਧਿਆਣਾ ਵਿਖੇ ਝੁੱਗੀ ਨੂੰ ਲੱਗੀ ਅੱਗ ‘ਚ ਇੱਕੋ ਪਰਿਵਾਰ ਦੇ 7 ਜੀਆਂ ਦੀ ਮੌਤਾਂ

ਲੁਧਿਆਣਾ, 20 ਅਪ੍ਰੈਲ – ਲੁਧਿਆਣਾ ਦੇ ਟਿੱਬਾ ਰੋਡ ‘ਤੇ ਨਗਰ ਨਿਗਮ ਦੇ ਕੂੜਾ ਡੰਪ ਯਾਰਡ ਨੇੜੇ ਬਣੀ ਝੁੱਗੀ ਵਿਚ ਅੱਗ ਲੱਗਣ ਕਰਕੇ ਇੱਕ ਪਰਿਵਾਰ ਦੇ 7 ਜੀਆਂ ਦੀ ਸੜਨ ਨਾਲ ਮੌਤ ਹੋ ਗਈ। ਹਾਦਸੇ ਵਿਚ ਮਾਰੇ ਗਏ ਪਰਿਵਾਰ ਦੇ ਜੀਆਂ ਵਿਚ ਪਤੀ-ਪਤਨੀ ਅਤੇ ਉਨ੍ਹਾਂ ਦੇ 5 ਬੱਚੇ ਸ਼ਾਮਿਲ ਹਨ ਜਦਕਿ ਸਭ ਤੋਂ ਵੱਡਾ ਬੇਟਾ ਵਾਲ ਵਾਲ ਬਚ ਗਿਆ ਕਿਉਕਿ ਉਹ ਆਪਣੇ ਦੋਸਤ ਦੇ ਘਰ ਗਿਆ ਹੋਇਆ ਸੀ। ਮਾਰਿਆ ਗਿਆ ਪਰਿਵਾਰ ਯੂ.ਪੀ ਦੇ ਸਮਸਤੀਪੁਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗਾ ਹੈ ਤੇ ਪੁਲਿਸ ਵੱਲੋਂ ਅੱਗ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।