ਦਿੱਲੀ ਦੀ ਤਰਜ਼ ‘ਤੇ ਅਸੀਂ ਬਿਜਲੀ ਲਈ ਰੋਡ ਮੈਪ ਕਰਾਂਗੇ ਤਿਆਰ – ਭਗਵੰਤ ਮਾਨ

ਨਵੀਂ ਦਿੱਲੀ, 26 ਅਪ੍ਰੈਲ – ਦਿੱਲੀ ਵਿਖੇ ਆਮ ਆਦਮੀ ਪਾਰਟੀ ਦੀ ਪ੍ਰੈੱਸ ਵਾਰਤਾ ਦੌਰਾਨ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਨੇ ਕਿਹਾ ਕਿ ਵਿਰੋਧੀ ਧਿਰ ਪੰਜਾਬ ਅਤੇ ਦਿੱਲੀ ਵਿਚਕਾਰ ਹੋਏ ਸਮਝੌਤੇ ਉੱਪਰ ਵੀ ਰੌਲਾ ਪਾਵੇਗੀ।ਪੰਜਾਬ ‘ਚ 19 ਹਜ਼ਾਰ ਤੋਂ ਵੱਧ ਸਕੂਲ ਹਨ ਤੇ ਸਿੱਖਿਆ ਦਾ ਮਿਆਰ ਉੱਚਾ ਚੁੱਕਣ ਲਈ ਕੰਮ ਹੋਵੇਗਾ।ਦਿੱਲੀ ਸਰਕਾਰ ਦੀ ਤਾਰੀਫ ਕਰਦਿਆ ਭਗਵੰਤ ਮਾਨ ਨੇ ਕਿਹਾ ਕਿ ਦਿੱਲੀ ‘ਚ ਲੋਕਾਂ ਨੂੰ ਵਧੀਆਂ ਸਹੂਲਤਾਂ ਮਿਲ ਰਹੀਆਂ ਹਨ ਤੇ ਦਿੱਲੀ ਦੀ ਤਰਜ਼ ‘ਤੇ ਅਸੀਂ ਬਿਜਲੀ ਲਈ ਰੋਡ ਮੈਪ ਤਿਆਰ ਕਰਾਂਗੇ। ਸਾਡਾ ਮਕਸਦ ਪੰਜਾਬ ਨੂੰ ਪੰਜਾਬ ਬਣਾਉਣਾ ਹੈ, ਕੈਲੇਫੋਰਨੀਆ ਜਾਂ ਲੰਡਨ ਨਹੀਂ।ਹਰ ਹਲਕੇ ‘ਚ ਸਕੂਲ ਅਤੇ ਮੁਹੱਲਾ ਕਲੀਨਿਕ ਬਣਾਇਆ ਜਾਵੇਗਾ ਤੇ ਇਸ ਉੱਪਰ ਕੱਲ੍ਹ ਤੋਂ ਹੀ ਕੰਮ ਸ਼ੁਰੂ ਹੋ ਜਾਵੇਗਾ।