ਸ਼੍ਰੀ ਅਦਵੈਤ ਸਵਰੂਪ ਹੀਰਾ ਪਰਮ ਗਿਆਨ ਆਸ਼ਰਮ ਖੌਥੜਾ ਰੋਡ ਮਹੱੁਲਾ ਕੋਲਸਰ ਦੇ ਮੱੁਖ ਸੇਵਾਦਾਰ ਸਵਾਮੀ ਭਜਨਾ ਨੰਦਪੁਰੀ ਜੀ ਮਹਾਰਾਜ ਸ਼ਨੀਵਾਰ ਸਵੇਰੇ 4 ਵਜੇ ਬ੍ਰਹਮਲੀਨ ਹੋ ਗਏ। ਸ਼੍ਰੀ ਭਜਨਾਨੰਦ ਪੁਰੀ ਜੀ ਮਹਾਰਾਜ ਜੀ ਦੇ ਬ੍ਰਹਮਲੀਨ ਹੋਣ ਦੀ ਸੂਚਨਾ ਮਿਲਦੇ ਸਾਰ ਹੀ ਆਸ਼ਰਮ ਵਿੱਚ ਆਉਣ ਵਾਲੇ ਹਰ ਸ਼ਰਧਾਲੂ ਦੀ ਜਿੱਥੇ ਅੱਖ ਨਮ ਨਜ਼ਰ ਆਈ ਉਥੇ ਹੀ ਵੱਡੀ ਗਿਣਤੀ ਸ਼ਰਧਾਲੂਆਂ ਨੇ ਆਸ਼ਰਮ ਵਿੱਚ ਪਹੁੰਚ ਕੇ ਸ਼੍ਰੀ ਭਜਨਾਨੰਦ ਪੁਰੀ ਜੀ ਮਹਾਰਾਜ ਜੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਸ਼੍ਰੀ ਭਜਨਾਨੰਦ ਪੁਰੀ ਜੀ ਮਹਾਰਾਜ ਜੀ ਦੇ ਸਰੂਪ ਨੂੰ ਅੰਤਿਮ ਦਰਸ਼ਨਾ ਲਈ ਮੱੁਖ ਗੱਦੀ ਤੇ ਬਿਰਾਜਮਾਨ ਕੀਤਾ ਗਿਆ ਸੀ ਜਦ ਕਿ ਸ਼ਰਧਾਲੂਆਂ ਵੱਲੋ ਭਜਨ ਤੇ ਕੀਰਤਨ ਕੀਤਾ ਗਿਆ। ਜਿਕਰਯੋਗ ਹੈ ਕਿ ਸਵਾਮੀ ਸ਼੍ਰੀ ਭਜਨਾਨੰਦ ਪੁਰੀ ਜੀ ਨੇ ਹਮੇਸ਼ਾ ਹੀ ਸ਼ਰਧਾਲੂਆਂ ਨੂੰ ਪ੍ਰਮਾਤਮਾਂ ਦੇ ਲੜ ਕੇ ਲੱਗ ਕੇ ਆਪਣਾ ਜੀਵਣ ਸਫਲਾ ਕਰਨ ਦਾ ਉਪਦੇਸ਼ ਦਿੱਤਾ ਸੀ ਤੇ ਸ਼ਰਧਾਲੂਆਂ ਵਿੱਚ ਵੀ ਮਹਾਰਾਜ ਜੀ ਪ੍ਰਤੀ ਕਾਫੀ ਆਸਥਾ ਸੀ। ਜਿਕਰਯੋਗ ਹੈ ਕਿ ਸਵਾਮੀ ਸ਼੍ਰੀ ਭਜਨਾਨੰਦ ਪੁਰੀ ਜੀ ਬ੍ਰਹਮਲੀਨ ਹੋਣ ਤੋਂ ਪਹਿਲਾ ਹੀ ਆਸ਼ਰਮ ਵਿਖੇ ਆਪਣੀ ਸਮਾਧੀ ਤਿਆਰ ਕਰਕੇ ਗਏ ਸਨ ਤੇ ਸਮੂਹ ਸ਼ਰਧਾਲੂਆਂ ਵੱਲੋ ਉਸੇ ਹੀ ਅਸਥਾਨ ਤੇ ਸ਼ਨੀਵਾਰ ਨੂੰ ਦੁਪਿਹਰ 2 ਵਜੇ ਸਮਾਧੀ ਦਿੱਤੀ ਜਾਵੇਗੀ। ਇਸ ਦੋਰਾਨ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂਆਂ ਨੇ ਆਸ਼ਰਮ ਪਹੁੰਚ ਕੇ ਸਵਾਮੀ ਜੀ ਦੇ ਅੰਤਿਮ ਦਰਸ਼ਨ ਕੀਤੇ ਅਤੇ ਆਸ਼ੀਰਵਾਦ ਪ੍ਰਾਪਤ ਕੀਤਾ।