ਪੰਜਾਬ ਦੇ ਵਿਦਿਆਰਥੀ ਨੇ JEE Mains ਵਿਚੋਂ ਹਾਸਲ ਕੀਤੇ 99.65% ਅੰਕ

ਹਾਲ ਹੀ ਦੇ ਦਿਨਾਂ ਵਿਚ ਐਲਾਨੇ ਗਏ ਜੇ.ਈ.ਈ. (ਮੇਨ) ਦੇ ਨਤੀਜਿਆਂ ਵਿਚ ਬਰਨਾਲਾ ਦੇ ਨੌਜਵਾਨ ਨੇ ਮਾਪਿਆਂ ਦਾ ਨਾਂਅ ਰੌਸ਼ਨ ਕੀਤਾ ਹੈ। ਐਸ.ਐਸ. ਇੰਟਰਨੈਸ਼ਨਲ ਸਕੂਲ ਖੁੱਡੀ ਕਲਾਂ ਬਰਨਾਲਾ ਦੇ 12 ਵੀਂ ਜਮਾਤ ਦੇ ਨਾਨ-ਮੈਡੀਕਲ ਦੇ ਵਿਦਿਆਰਥੀ ਨਿਤਿਨ ਗਰਗ ਨੇ ਪ੍ਰੀਖਿਆ ਵਿਚ 99.65% ਅੰਕ ਹਾਸਲ ਕੀਤੇ ਹਨ। ਨੌਜਵਾਨ ਦੇ ਨਤੀਜੇ ਦੇਖ ਕੇ ਉਸ ਦੇ ਮਾਪਿਆਂ ਅਤੇ ਅਧਿਆਪਕਾਂ ਨੂੰ ਨਿਤਿਨ ਗਰਗ ਉਤੇ ਮਾਣ ਮਹਿਸੂਸ ਹੋ ਰਿਹਾ ਹੈ। ਹੋਣਹਾਰ ਵਿਦਿਆਰਥੀ ਦਾ ਕਹਿਣਾ ਹੈ ਕਿ ਉਹ ਇੰਜੀਨੀਅਰ ਬਣ ਕੇ ਦੇਸ਼ ਦੀ ਸੇਵਾ ਕਰਨੀ ਚਾਹੁੰਦਾ ਹੈ।