ਟਰੱਕ ਨੂੰ ਓਵਰਟੇਕ ਕਰਦੇ ਹੋਏ ਫਲਾਈਓਵਰ ‘ਤੇ ਪਲਟੀ ਕਾਰ

ਫਗਵਾੜਾ, 7 ਜੂਨ (ਰਮਨਦੀਪ) ਫਗਵਾੜਾ ਵਿਖੇ ਉਸ ਸਮੇਂ ਵੱਡਾ ਹਾਦਸਾ ਹੋਣੋਂ ਟਲ ਗਿਆ ਜਦੋਂ ਇੱਕ ਕਾਰ ਬੇਕਾਬੂ ਹੋ ਕੇ ਪਲਟ ਗਈ।ਗਨੀਮਤ ਰਹੀ ਕਿ ਹਾਦਸੇ ਵਿਚ ਕਿਸੇ ਕਿਸਮ ਦਾ ਜਾਨੀ ਨੁਕਸਾਨ ਜਾਂ ਕਿਸੇ ਦੇ ਜਖਮੀਂ ਹੋਣ ਤੋਂ ਬਚਾਅ ਹੋ ਗਿਆ। ਇਹ ਹਾਦਸਾ ਉਸ ਸਮੇਂ ਹੋਇਆ ਜਦੋਂ ਵਰਿੰਦਰ ਵਾਸੀ ਅਮਲੋਹ ਆਪਣੀ ਆਲਟੋ ਕਾਰ ਵਿਚ ਭਤੀਜੇ ਅਤੇ ਭਤੀਜੀ ਨਾਲ ਜਲੰਧਰ ਤੋਂ ਵਾਪਿਸ ਅਮਲੋਹ ਜਾ ਰਿਹਾ ਸੀ ਕਿ ਫਗਵਾੜਾ ਵਿਖੇ ਫਲਾਈਓਵਰ ‘ਤੇ ਅੱਗੇ ਜਾ ਰਹੇ ਟਰੱਕ ਨੂੰ ਓਵਰਟੇਕ ਕਰਦੇ ਸਮੇਂ ਕਾਰ ਬੇਕਾਬੂ ਹੋ ਕੇ ਪਲਟ ਗਈ।