ਜੈਤੋ ਵਿਖੇ ਚਾਇਨਾ ਡੋਰ ਨਾਲ ਕਈ ਪੰਛੀ ਤੇ ਆਮ ਲੋਕ ਜ਼ਖ਼ਮੀ ਹੋਏ ਸਨ। ਜਿਸ ਦੇ ਚਲਦਿਆਂ ਲੋਕਾਂ ਦੀਆਂ ਛੱਤਾਂ ’ਤੇ ਆਮ ਹੀ ਪੰਛੀ ਜ਼ਖ਼ਮੀ ਹਾਲਤ ਵਿਚ ਡਿੱਗਦੇ ਦੇਖੇ ਗਏ। ਇਨ੍ਹਾਂ ਜ਼ਖ਼ਮੀਆਂ ਪੰਛੀਆਂ ਨੂੰ ਇਲਾਜ ਕਰਨ ਲਈ ਗਊਸ਼ਾਲਾ ਵਿਚ ਛਡਿਆ ਗਿਆ ਹੈ। ਅਸਲ ਵਿਚ ਚਾਇਨਾ ਡੋਰ ਲਗਾਤਾਰ ਬਾਜ਼ਾਰ ਵਿਚ ਚੋਰੀ ਛਿੱਪੇ ਵਿੱਕ ਰਹੀ ਹੈ ਪਰ ਹੁਣ ਜੈਤੋ ਪੁਲਿਸ ਇਸ ਸਬੰਧੀ ਵਿਸ਼ੇਸ਼ ਉਪਰਾਲਾ ਕਰਨ ਜਾ ਰਹੀ ਹੈ। ਡੀ.ਐਸ.ਪੀ ਜੈਤੋ ਸੁਖਦੀਪ ਸਿੰਘ ਨੇ ਕਿਹਾ ਕਿ ਬੱਚਿਆਂ ਰਾਹੀਂ ਸਿਵਲ ਵਰਦੀ ਵਿਚ ਪੁਲਿਸ ਕਰਮੀ ਭੇਜ ਕੇ ਚਾਇਨਾ ਡੋਰ ਵੇਚਣ ਵਾਲਿਆਂ ’ਤੇ ਰੇਡ ਕੀਤੀ ਜਾਵੇਗੀ। ਜਿਸ ਦੁਕਾਨਦਾਰ ਪਾਸੋਂ ਇਹ ਡੋਰ ਬਰਾਮਦ ਹੁੰਦੀ ਹੈ ਉਸ ’ਤੇ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਚਾਇਨਾਂ ਡੋਰ ਨੂੰ ਲੈ ਕੇ ਸਮਾਜ ਸੇਵੀ ਸੰਦੀਪ ਲੂੰਬਾ ਨੇ ਕੀਤਾ ਡੀ.ਐਸ.ਪੀ ਨਾਲ ਅਪਣੇ ਵਿਚਾਰ ਸਾਂਝੇ ਕੀਤੇ।