ਬੰਦ ਪਈ ਗਊਸ਼ਾਲਾ ਦੀ ਛੱਤ ਨਾਲ ਲਟਕਦੀ ਮਿਲੀ ਨੌਜ਼ਵਾਨ ਦੀ ਲਾਸ਼

ਗੜਸ਼ੰਕਰ (ਰਾਕੇਸ਼ ਕੁਮਾਰ) ਗੜਸ਼ੰਕਰ ਦੇ ਨੰਗਲ ਰੋਡ ਤੇ ਪਿੰਡ ਸ਼ਾਹਪੁਰ ਦੇ ਨਜਦੀਕ ਬੰਦ ਪਈ ਇੱਕ ਗਊਸ਼ਾਲਾ ਦੀ ਛੱਤ ਨਾਲ ਇੱਕ ਨੌਜ਼ਵਾਨ ਦੀ ਲਟਕਦੀ ਹੋਈ ਲਾਸ਼ ਬਰਾਮਦ ਹੋਈ ਹੈ। ਲਾਸ਼ ਦੀ ਸੂਚਨਾ ਮਿਲਦੇ ਸਾਰ ਹੀ ਰਾਹਗੀਰਾਂ ਨੇ ਇਸ ਦੀ ਸੂਚਨਾਂ ਗੜਸ਼ੰਕਰ ਦੀ ਪੁਲਿਸ ਨੂੰ ਦਿੱਤੀ। ਪੁਲਿਸ ਨੇ ਮੋਕੇ ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜੇ ਵਿੱਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ। ਮ੍ਰਿਤਕ ਨੌਜ਼ਵਾਨ ਦੀ ਪਹਿਚਾਣ ਬ੍ਰਿਜ ਮੋਹਨ ਪੱੁਤਰ ਸਵ. ਧਰਮਪਾਲ ਵਾਸੀ ਵਾਰਡ ਨੰਬਰ 5 ਗੜਸ਼ੰਕਰ ਵੱਜੋ ਹੋਈ। ਮ੍ਰਿਤਕ ਨੌਜ਼ਵਾਨ ਦੇ ਲਾਗੇ ਤੋ ਪੁਲਿਸ ਨੇ ਇੱਕ ਛੋਟਾਂ ਹਾਥੀ ਵੀ ਬਰਾਮਦ ਕੀਤਾ ਹੈ। ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਉਨਾਂ ਦਾ ਲੜਕਾ ਹਾਥੀ ਚਲਾਉਣ ਦਾ ਕੰਮ ਕਰਦਾ ਸੀ ਤੇ ਅਕਸਰ ਹੀ ਕੰਮ ਨੂੰ ਲੈ ਕੇ ਪ੍ਰੇੁਸ਼ਾਨ ਰਹਿੰਦਾ ਸੀ।