CM ਭਗਵੰਤ ਮਾਨ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ‘ਤੇ ਆਪਣੇ ਬਿਆਨਾਂ ਨੂੰ ਲੈ ਕੇ ਸਪਸ਼ਟੀਕਰਨ ਦਿੱਤਾ ਹੈ। ਪੇਸ਼ੀ ਤੋਂ ਬਾਅਦ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਮੈਂ ਜਥੇਦਾਰ ਨੂੰ ਲਿਖਤੀ ਸਪਸ਼ਟੀਕਰਨ ਦਿੱਤਾ ਹੈ। ਮੀਟਿੰਗ ਵਿੱਚ ਸਪਸ਼ਟੀਕਰਨ ਤੇ ਵਿਚਾਰ ਕੀਤਾ ਜਾਵਗਾ। ਉਨ੍ਹਾਂ ਆਖਿਆ ਕਿ ਅਕਾਲ ਤਖ਼ਤ ਸਾਹਿਬ ਨੂੰ ਚੈਲੰਜ ਕਰਨ ਦੀ ਮੇਰੀ ਨਾ ਹਿੰਮਤ ਅਤੇ ਨਾ ਹੀ ਕੋਈ ਔਕਾਤ ਹੈ। ਮੁੱਖ ਮੰਤਰੀ ਨੇ ਆਖਿਆ ਕਿ ਜਥੇਦਾਰ ਜੋ ਵੀ ਫੈਸਲੇ ਲੈਣਗੇ, ਉਹ ਸਿਰ ਮੱਥੇ ਹਨ। ਉਨ੍ਹਾਂ ਕਿਹਾ ਕਿ ਪੇਸ਼ ਹੋ ਕੇ ਮੈਨੂੰ ਸਕੂਨ ਮਿਲਿਆ ਅਤੇ ਸੰਤੁਸ਼ਟੀ ਹੋਈ ਹੈ।ਇਸ ਤੋਂ ਇਲਾਵਾ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਵਾਇਰਲ ਵੀਡੀਓ ‘ਤੇ ਵੀ ਬੋਲਦਿਆਂ ਆਖਿਆ ਕਿ ਵਾਇਰਲ ਵੀਡੀਓ ਨਕਲੀ ਹੈ। ਅੱਜ-ਕੱਲ੍ਹ AI ਨਾਲ ਜੋ ਮਰਜ਼ੀ ਬਣਾਇਆ ਜਾ ਰਿਹਾ ਹੈ। ਉਨ੍ਹਾਂ ਆਖਿਆ ਕਿ ਜਿੱਥੋਂ ਮਰਜ਼ੀ ਇਸ ਵੀਡੀਓ ਦੀ ਜਾਂਚ ਕਰਵਾ ਲਈ ਜਾਵੇ।