ਬਠਿੰਡਾ ਦੀ ਅਦਾਲਤ ਵਿੱਚ ਕੰਗਨਾ ਰਣੌਤ ਮਾਮਲੇ ‘ਚ ਵੱਡਾ ਫੈਸਲਾ ਆਇਆ ਹੈ। ਹੁਣ ਕੰਗਨਾ ਰਣੌਤ ਨੂੰ ਹਰ ਪੇਸ਼ੀ ਵਿੱਚ ਵੀਡੀਓ ਕਾਨਫਰੰਸਿੰਗ ਦੇ ਜ਼ਰੀਏ ਪੇਸ਼ ਹੋਣਾ ਪਵੇਗਾ। ਕੰਗਨਾ ਨੂੰ ਨਿੱਜੀ ਤੌਰ ‘ਤੇ ਪੇਸ਼ੀ ਤੋਂ ਛੋਟ ਦਿੱਤੀ ਗਈ ਹੈ। ਬਠਿੰਡਾ ਕੋਰਟ ਨੇ ਕੰਗਨਾ ਦੀ ਮੰਗ ਮੰਨਦਦਿਆਂ VC ਜ਼ਰੀਏ ਪੇਸ਼ ਹੋਣ ਦੀ ਮਨਜ਼ੂਰੀ ਦਿੱਤੀ ਹੈ। ਹੁਣ ਅਗਲੀ ਸੁਣਵਾਈ ਹੁਣ 27 ਜਨਵਰੀ ਨੂੰ ਹੋਵੇਗੀ। ਕੰਗਨਾ ਨੇ ਆਪਣੀ ਸੁਰੱਖਿਆ ਨੂੰ ਖ਼ਤਰੇ ਦਾ ਹਵਾਲਾ ਦਿੱਤਾ ਸੀ। ਉਸ ਨੇ ਬੇਬੇ ਮਹਿੰਦਰ ਕੌਰ ਦੇ ਬਿਆਨਾਂ ਨੂੰ ਅਧਾਰ ਬਣਾਇਆ ਹੈ। ਬੇਬੇ ਮਹਿੰਦਰ ਕੌਰ ਨੇ ਕਿਹਾ ਸੀ ਕਿ ‘ਕੰਗਨਾ ਨੂੰ ਜੂੰਡਿਆਂ ਤੋਂ ਫੜ ਕੇ ਲਿਆਵਾਂਗੇ। ਉਨਾਂ ਕਿਹਾ ਸੀ ਕਿ ‘ਜੇ ਕੋਰਟ ‘ਚ ਪੇਸ਼ ਨਾ ਹੋਈ ਤਾਂ ਜੂੰਡਿਆਂ ਤੋਂ ਫੜ ਕੇ ਲਿਆਵਾਂਗੇ। ਕਾਬਲੇਗੌਰ ਹੈ ਕਿ, ਅੱਜ ਬੇਬੇ ਦੇ ਵਕੀਲ ਵੱਲੋਂ ਕੋਰਟ ਵਿੱਚ ਕੰਗਨਾ ਦਾ ਪਾਸਪੋਰਟ ਜ਼ਬਤ ਕਰਨ ਦੀ ਅਰਜ਼ੀ ਲਗਾਈ ਗਈ ਹੈ।