ਨੌਕਰੀ ਕਰਦੇ ਅਧਿਆਪਕਾਂ ਦਾ ਭਲਕੇ 19 ਅਪਰੈਲ ਨੂੰ ਹੋਣ ਵਾਲਾ ‘ਪੀ ਟੈੱਟ’ (Teacher Eligibility Test) ਮੁਲਤਵੀ ਕਰ ਦਿੱਤਾ ਗਿਆ ਹੈ। ਰਾਜ ਵਿੱਦਿਅਕ ਅਤੇ ਖੋਜ ਸਿਖ਼ਲਾਈ ਪਰਿਸ਼ਦ ਪੰਜਾਬ (ਐਸਸੀਈਆਰਟੀ) ਵੱਲੋਂ ਨੌਕਰੀ ਕਰ ਰਹੇ ਅਧਿਆਪਕਾਂ ਲਈ 19 ਅਪਰੈਲ ਨੂੰ ਕਰਾਈ ਜਾਣ ਵਾਲੀ P-TET for In-Service Teachers Exam ਮੁਲਤਵੀ ਕਰ ਦਿੱਤੀ ਗਈ ਹੈ। ਇਹ ਪ੍ਰੀਖਿਆ ਹੁਣ 26 ਅਪਰੈਲ ਨੂੰ ਹੋਵੇਗੀ। ਸਿਖਲਾਈ ਪਰਿਸ਼ਦ ਦੀ ਡਾਇਰੈਕਟਰ ਵੱਲੋਂ ਜਾਰੀ ਨਿਰਦੇਸ਼ਾਂ ਵਿਚ ਦਿੱਤੀ ਜਾਣਕਾਰੀ ਵਿਚ ਕਿਹਾ ਗਿਆ ਹੈ ਕਿ ਪੀ ਟੈੱਟ-1 ਅਤੇ ਪੀ ਟੈੱਟ-2 ਦੀ ਰਜਿਸਟ੍ਰੇਸ਼ਨ ਦੌਰਾਨ ਉਮੀਦਵਾਰਾਂ ਵੱਲੋਂ ਭਰੇ ਗਏ ਵੇਰਵਿਆਂ ਵਿਚ ਮੌਜੂਦਾ ਤਾਇਨਾਤੀ ਸਬੰਧੀ ਜਾਣਕਾਰੀ ਨਾ ਹੋਣ ਕਾਰਨ ਇਹ ਪ੍ਰੀਖਿਆ 19 ਅਪਰੈਲ ਦੀ ਥਾਂ 26 ਅਪਰੈਲ ਨੂੰ ਲਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਪ੍ਰੀਖਿਆ ਸਬੰਧੀ ਪਹਿਲਾਂ ਜਾਰੀ ਕੀਤੇ ਐਡਮਿਟ ਕਾਰਡਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਇਸ ਪ੍ਰੀਖਿਆ ਲਈ ਨਵੇਂ ਐਡਮਿਟ ਕਾਰਡ/ਰੋਲ ਨੰਬਰ ਡਾਊਨਲੋਡ ਕਰਨ ਅਤੇ ਹੋਰ ਵਧੇਰੇ ਜਾਣਕਾਰੀ ਲਈ ਵਿਭਾਗ ਦੀ ਵੈੱਬਸਾਈਟ ਚੈੱਕ ਕਰਨ ਲਈ ਕਿਹਾ ਗਿਆ ਹੈ।