ਜ਼ਮੀਨੀ ਵਿਵਾਦ ਨੂੰ ਲੈ ਕੇ ਫਗਵਾੜਾ ‘ਚ ਹੰਗਾਮਾ

ਫਗਵਾੜਾ, 6 ਅਗਸਤ (ਰਮਨਦੀਪ) ਕੇ.ਜੀ ਰਿਜੋਰਟ ਫਗਵਾੜਾ ਨਜ਼ਦੀਕ ਮਹੁੱਲਾ ਗਰੀਨ ਪਾਰਕ ਵਿਖੇ ਇੱਕ ਪਲਾਟ ਨੂੰ ਲੈ ਕੇ ੳੇੁਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਮਹੁੱਲਾ ਵਾਸੀਆਂ ਨੇ ਪਲਾਟ ਦੀ ਸਫਾਈ ਕਰਨ ਆਈ ਦੂਸਰੀ ਧਿਰ ਨੂੰ ਸਫਾਈ ਕਰਨ ਤੋਂ ਰੋਕ ਦਿੱਤਾ। ਇਸ ਮੌਕੇ ਹਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਉਕਤ ਪਲਾਟ ਉਨ੍ਹਾਂ ਦਾ ਹੈ ਜਿਸ ਦੀ ਰਜਿਸਟਰੀ ਵੀ ਉਨ੍ਹਾਂ ਕੋਲ ਹੈ ਪਰ ਮਹੁੱਲਾ ਵਾਸੀ ਜਾਣ ਬੁੱਝ ਕੇ ਉਨ੍ਹਾਂ ਨੂੰ ਪ੍ਰੇਸ਼ਾਨ ਕਰ ਰਹੇ ਹਨ। ਹਰਮੇਸ਼ ਕੁਮਾਰ ਨੇ ਕਿਹਾ ਕਿ ਜਦੋਂ ਉਹ ਆਪਣੇ ਪਲਾਟ ‘ਚ ਸਫਾਈ ਕਰਨ ਆਇਆ ਤਾਂ ਮਹੁੱਲਾ ਵਾਸੀਆਂ ਨੇ ਜਾਣਬੁੱਝ ਹੰਗਾਮਾ ਕੀਤਾ।ਵਾਰਡ ਦੇ ਸਾਬਕਾ ਕੌਸਲਰ ਦਰਸ਼ਨ ਲਾਲ ਧਰਮਸ਼ੋਤ ਨੇ ਕਿਹਾ ਕਿ ਉਕਤ ਜ਼ਮੀਨ ਨੂੰ ਨਗਰ ਨਿਗਮ ਵੱਲੋਂ ਪਾਰਕ ਲਈ ਅਲਾਟ ਕੀਤਾ ਗਿਆ ਹੈ ਜਿਸ ਲਈ ਉਕਤ ਜ਼ਮੀਨ ‘ਤੇ ਪਾਰਕ ਦੇ ਨਿਰਮਾਣ ਲਈ ਟੈਂਡਰ ਵੀ ਲੱਗ ਚੁੱਕਾ ਹੈ ਪਰ ਉਕਤ ਵਿਅਕਤੀ ਜਾਣ ਬੁੱਝ ਕੇ ਉਸ ਜ਼ਮੀਨ ‘ਤੇ ਕਬਜਾ ਕਰਨਾ ਚਹੁੰਦਾ ਹੈ।ਓਧਰ ਹੰਗਾਮੇ ਦੀ ਸੂਚਨਾ ਮਿਲਦੇ ਸਾਰ ਹੀ ਪੁਲਿਸ ਨੇ ਮੋਕੇ ‘ਤੇ ਪਹੁੰਚ ਕੇ ਸਥਿਤੀ ਦਾ ਜਾਇਜ਼ਾ ਲਿਆ। ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਦੋਵੇਂ ਧਿਰਾਂ ਨੂੰ ਪੁਲਿਸ ਥਾਣੇ ਵਿਖੇ ਬੁਲਾਇਆ ਗਿਆ ਹੈ।