ਜ਼ੀਰਕਪੁਰ ਪੁਲਿਸ ਵੱਲੋਂ ਕਰੋੜਾਂ ਦੇ ਗਾਂਜੇ ਸਮੇਤ 2 ਨਸ਼ਾ ਤਸਕਰ ਗ੍ਰਿਫ਼ਤਾਰ

ਜ਼ੀਰਕਪੁਰ, 12 ਅਗਸਤ – ਜ਼ੀਰਕਪੁਰ ਪੁਲਿਸ ਨੇ ਕਰੋੜਾਂ ਰੁਪਏ ਦੇ ਗਾਂਜੇ ਸਮੇਤ 2 ਨਸ਼ਾ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕਰਨ ਵਿਚ ਅਹਿਮ ਸਫਲਤਾ ਹਾਸਿਲ ਕੀਤੀ ਹੈ।ਉਪ ਕਪਤਾਨ ਪੁਲਿਸ ਸਬ-ਡਵੀਜਨ ਜੀਰਕਪੁਰ ਅਮਰੋਜ਼ ਸਿੰਘ ਨੇ ਦੱਸਿਆ ਕਿ ਇੰਸਪੈਕਟਰ ਉਕਾਂਰ ਸਿੰਘ ਬਰਾੜ ਮੁੱਖ ਅਫਸਰ ਥਾਣਾ ਜੀਰਕਪੁਰ ਅਗਵਾਈ ਵਿਚ ਪੁਲਿਸ ਪਾਰਟੀਆ ਵੱਲੋਂ ਨਾਕਾਬੰਦੀ ਅਤੇ ਸਰਚ ਮੁਹਿੰਮ ਤਹਿਤ ਥਾਣੇਦਾਰ ਅਜੀਤ ਸਿੰਘ ਥਾਣਾ ਜੀਰਕਪੁਰ ਦੀ ਪੁਲਿਸ ਪਾਰਟੀ ਵੱਲੋਂ 200 ਫੁੱਟੀ ਰੋਡ ਬਾਹੱਦ ਪਿੰਡ ਸਤਾਬਗੜ੍ਹ ਏਅਰਪੋਰਟ ਰੋਡ ‘ਤੇ ਬੋਰੀਆ ਨਾਲ ਭਰੇ ਹੋਏ ਇਕ ਟੈਂਪੂ ਦੀ ਚੈਕਿੰਗ ਕੀਤੀ ਤਾਂ ਉਸ ਵਿਚੋਂ ਦੋਰਾਨੇ ਚੈਕਿੰਗ 10 ਕੁਇੰਟਲ 35 ਕਿਲੋ ਤਿਆਰ ਕੀਤੇ ਹੋਏ ਗਾਂਜੇ ਦੀ ਖੇਪ ਬ੍ਰਾਮਦ ਹੋਈ। ਜਿਸ ‘ਤੇ ਨਾਕਾ ਪਾਰਟੀ ਨੇ ਜਾਬਤਾ ਅਨੁਸਾਰ ਐਨ ਡੀ.ਪੀ.ਐਸ ਐਕਟ ਦੇ ਨਿਯਮਾਂ ਦੀ ਪਾਲਣਾ ਕਰਦੇ ਹੋਇਆ ਦੋ ਦੋਸ਼ੀਆ ਸੂਰਜ ਕੁਮਾਰ ਵਾਸੀ ਹਰਦੋਈ (ਯੂ.ਪੀ) ਅਤੇ ਜਵਾਹਰ ਲਾਲ ਵਾਸੀ ਸਮਸਤੀਪੁਰ (ਬਿਹਾਰ ) ਨੂੰ ਸਮੇਤ ਟੈਂਪੂ ਗ੍ਰਿਫਤਾਰ ਕਰ ਲਿਆ। ਇਨ੍ਹਾਂ ਦੋਸ਼ੀਆ ਦਾ ਪੁਲਿਸ ਰਿਮਾਂਡ ਹਾਸਲ ਕਰਕੇ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਕਿ ਇਨ੍ਹਾਂ ਵੱਲੋਂ ਇਹ ਨਸ਼ਾ ਕਿਥੋ ਲਿਆਕੇ ਕਿੱਥੇ ਵੇਚਿਆ ਜਾਂਦਾ ਹੈ ਤੇ ਇਨ੍ਹਾਂ ਨਾਲ ਹੋਰ ਕਿਹੜੇ-2 ਵਿਅਕਤੀ ਇਸ ਨਸ਼ੇ ਦੇ ਵਪਾਰ ਵਿਚ ਸ਼ਾਮਲ ਹਨ ।