ਭਾਰਤ-ਇੰਗਲੈਂਡ ਦੂਸਰਾ ਟੈਸਟ – ਮੀਂਹ ਨੇ ਰੋਕਿਆ ਖੇਡ, ਰੋਹਿਤ-ਰਾਹੁਲ ਕ੍ਰੀਜ਼ ‘ਤੇ

ਲੰਡਨ, 12 ਅਗਸਤ – ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਦੂਸਰੇ ਟੈਸਟ ਮੈਚ ਦੇ ਪਹਿਲੇ ਦਿਨ ਟਾਸ ਜਿੱਤ ਕੇ ਇੰਗਲੈਂਡ ਨੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਦਾ ਸੱਦਾ ਦਿੱਤਾ। ਮੀਂਹ ਵੱਲੋਂ ਵਿਘਨ ਪਾਏ ਜਾਣ ਤੋਂ ਬਾਅਦ ਭਾਰਤ ਦੇ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਅਤੇ ਕੇ.ਐਲ ਰਾਹੁਲ ਬੱਲੇਬਾਜ਼ੀ ਕਰਨ ਲਈ ਉੱਤਰੇ ਤੇ ਦੋਵਾਂ ਨੇ ਟੀਮ ਨੂੰ ਵਧੀਆ ਸ਼ੁਰੂਆਤ ਦਿੱਤੀ। ਟੀਮ ਇੰਡੀਆ ਦਾ ਸਕੋਰ ਬਿਨ੍ਹਾਂ ਕਿਸੇ ਨੁਕਸਾਨ ਦੇ 46 ‘ਤੇ ਪਹੁੰਚਾ ਤਾਂ ਮੀਂਹ ਕਾਰਨ ਫਿਰ ਤੋਂ ਖੇਡ ਨੂੰ ਰੋਕਣਾ ਪਿਆ। ਰੋਹਿਤ ਸ਼ਰਮਾ 35 ਤੇ ਰਾਹੁਲ 10 ਦੌੜਾਂ ਬਣਾ ਕੇ ਕ੍ਰੀਜ਼ ‘ਤੇ ਡਟੇ ਹੋਏ ਹਨ।