ਫਗਵਾੜਾ – ਚੋਰਾਂ ਨੇ ਹਜ਼ਾਰਾਂ ਰੁਪਈ ਦੀ ਨਗਦੀ ਅਤੇ ਸੋਨੇ ਦੇ ਗਹਿਣਿਆ ਸਮੇਤ ਕੀਮਤੀ ਸਮਾਨ ‘ਤੇ ਕੀਤੇ ਹੱਥ ਸਾਫ

ਫਗਵਾੜਾ, 25 ਅਗਸਤ (ਰਮਨਦੀਪ) ਫਗਵਾੜਾ ਇਲਾਕੇ ਵਿੱਚ ਚੋਰੀ ਦੀਆਂ ਵੱਧ ਰਹੀਆਂ ਵਾਰਦਾਤਾਂ ਰੁਕਣ ਦਾ ਨਾਂ ਨਹੀ ਲੈ ਰਹੀਆ ਤੇ ਇਹ ਵਾਰਦਾਤਾਂ ਪੁਲਿਸ ਲਈ ਸਿਰਦਰਦ ਬਣਦੀਆਂ ਜਾ ਰਹੀਆ ਹਨ। ਚੋਰੀ ਦੀ ਇੱਕ ਵਾਰਦਾਤ ਸਾਹਮਣੇ ਆਈ ਹੈ ਫਗਵਾੜਾ ਨਜਦੀਕੀ ਪਿੰਡ ਭੁੱਲਾਰਾਈ ਕਲੋਨੀ ਵਿਖੇ ਜਿੱਥੇ ਕਿ ਜੈੱਨ ਕਾਰ ਵਿੱਚ ਸਵਾਰ ਹੋ ਕੇ ਆਏ ਚੋਰਾਂ ਨੇ ਘਰ ਵਿੱਚੋ ਹਜਾਰਾ ਰੁਪਏ ਦੀ ਨਗਦੀ, ਸੋਨੇ ਦੇ ਗਹਿਣੇ ਅਤੇ ਹੋਰ ਕੀਮਤੀ ਸਮਾਨ ‘ਤੇ ਹੱਥ ਸਾਫ ਕਰ ਲਏ ਤੇ ਫਰਾਰ ਹੋ ਗਏ।ਘਰ ਦੇ ਮਾਲਿਕ ਨਰਿੰਦਰ ਪਾਲ ਨਿੰਦੀ ਨੇ ਦੱਸਿਆ ਕਿ ਉਹ ਘਰ ਦੇ ਕਿਸੇ ਕੰਮ ਲਈ ਬਾਹਰ ਗਏ ਹੋਏ ਸਨ ਤਾਂ ਪਿੱਛੋ ਚੋਰ ਉਨਾਂ ਦੇ ਘਰ ਦੇ ਤਾਲੇ ਤੋੜ ਕੇ ਘਰ ਵਿੱਚੋਂ 4 ਤੋਲੇ ਸੋਨੇ ਦੇ ਗਹਿਣੇ, ਇੱਕ ਵੱਡੀ ਐੱਲ.ਸੀ.ਡੀ. ਹਜਾਰਾ ਰੁਪਏ ਦੀ ਨਗਦੀ ਲੈ ਕੇ ਫਰਾਰ ਹੋ ਗਏ।ਨਰਿੰਦਰ ਪਾਲ ਨਿੰਦੀ ਮੁਤਾਬਿਕ ਉਕਤ ਚੋਰੀ ਦੀ ਵਾਰਦਾਤ ਸੀ.ਸੀ.ਟੀ.ਵੀ ਵਿੱਚ ਕੈਦ ਹੋ ਗਈ ਜਿਸ ਤੋਂ ਪਤਾ ਲੱਗਾ ਕਿ ਚੋਰ ਜੈੱਨ ਕਾਰ ਵਿੱਚ ਆਏ ਸਨ।