ਯੂ.ਪੀ – ਭਿਆਨਕ ਸੜਕ ਹਾਦਸੇ ‘ਚ 5 ਮੌਤਾਂ, 3 ਜਖਮੀਂ

ਲਖਨਊ, 4 ਸਤੰਬਰ – ਉੱਤਰ ਪ੍ਰਦੇਸ਼ ਦੇ ਸ਼੍ਰਾਵਸਤੀ ਜ਼ਿਲ੍ਹੇ ‘ਚ ਬੀਤੀ ਦੇਰ ਰਾਤ ਹੋਏ ਭਿਆਨਕ ਸੜਕ ਹਾਦਸੇ ਵਿਚ 5 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 3 ਜਖਮੀਂ ਹੋ ਗਏ। ਇਹ ਹਾਦਸਾ ਉਸ ਸਮੇਂ ਹੋਇਆ ਜਦੋਂ ਬਲਰਾਮਪੁਰ ਜ਼ਿਲ੍ਹੇ ‘ਚ ਪੈਂਦੇ ਉਤਰੌਲਾ ਦੇ 10 ਲੋਕ ਬਹਿਰਾਇਚ ਦੇ ਧਾਰਮਿਕ ਅਸਥਾਨ ਤੋਂ ਮੱਥਾ ਟੇਕ ਕੇ ਟੈਂਪੂ ਵਿਚ ਵਾਪਿਸ ਆ ਰਹੇ ਸਨ ਕਿ ਬੁਧਿਸਟ ਸਰਕਟ ਹਾਈਵੇ ‘ਤੇ ਨਾਰਾਇਣਗੜ੍ਹ ਪਿੰਡ ਵਿਖੇ ਟੈਂਪੂ ਦੀ ਇੱਟਾਂ ਨਾਲ ਭਰੀ ਖੜੀ ਟ੍ਰੈਕਟਰ ਟਰਾਲੀ ਨਾਲ ਟੱਕਰ ਹੋ ਗਈ। ਹਾਦਸੇ ਤੋਂ ਬਾਅਦ ਜਖਮੀਂਆਂ ਨੂੰ ਨੇੜੇ ਦੇ ਹਸਪਤਾਲ ਦਾਖਲ ਕਰਵਾਇਆ ਗਿਆ।