ਅੰਮ੍ਰਿਤਸਰ ‘ਚ ਕੱਲ੍ਹ ਤੋਂ ਹੋਣ ਵਾਲੀ ਭਾਰਤੀ ਫੌਜ਼ ਦੀ ਭਰਤੀ ਰੈਲੀ ਮੁਲਤਵੀ

ਅੰਮ੍ਰਿਤਸਰ, 15 ਸਤੰਬਰ – ਭਾਰਤੀ ਫੋਜ਼ ਵਿਚ ਭਰਤੀ ਲਈ ਹੋਣ ਵਾਲੀਆਂ ਰੈਲੀਆਂ ਦਾ ਮੁਲਤਵੀ ਹੋਣਾ ਜਾਰੀ ਹੈ। ਭਾਰਤੀ ਫੋਜ਼ ਦੇ ਭਰਤੀ ਡਾਇਰੈਕਟੋਰੇਟ ਨੇ ਹੁਣ ਅੰਮ੍ਰਿਤਸਰ ਦੀ ਖਾਸਾ ਛਾਉਣੀ ਵਿਚ 16 ਤੋਂ 30 ਸਤੰਬਰ ਤੱਕ ਹੋਣ ਵਾਲੀ ਭਰਤੀ ਰੈਲੀ ਮੁਲਤਵੀ ਕਰ ਦਿੱਤੀ ਹੈ। ਇਸ ਰੈਲੀ ਵਿਚ ਕਾਂਸਟੇਬਲ (ਫਾਰਮਾਂ) ਦੇ ਅਹੁਦੇ ਲਈ ਭਰਤੀ ਕੀਤੀ ਜਾਣੀ ਸੀ। ਫੌਜ਼ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਕੋਵਿਡ-19 ਕਾਰਨ ਪੈਦਾ ਹੋਏ ਹਾਲਾਤਾਂ ਦੇ ਮੱਦੇਨਜ਼ਰ ਕਾਂਸਟੇਬਲ ਦੇ ਅਹੁਦੇ ਲਈ ਭਰਤੀ ਰੈਲੀ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਭਰਤੀ ਰੈਲੀ ਵਾਸਤੇ ਨਵੀਆਂ ਤਾਰੀਕਾਂ ਦਾ ਐਲਾਨ ਜਲਦ ਹੀ ਕਰ ਦਿੱਤਾ ਜਾਵੇਗਾ।