ਆਉਣ ਵਾਲੇ ਦਹਾਕਿਆਂ ਤੱਕ ਰਾਜਨੀਤੀ ‘ਚ ਇੱਕ ਮਜਬੂਤ ਤਾਕਤ ਬਣੀ ਰਹੇਗੀ ਭਾਜਪਾ – ਪ੍ਰਸ਼ਾਂਤ ਕਿਸ਼ੋਰ

ਨਵੀਂ ਦਿੱਲੀ, 28 ਅਕਤੂਬਰ – ਪ੍ਰਸਿੱਧ ਸਿਆਸੀ ਰਣਨੀਤੀਕਾਰ ਪ੍ਰਸ਼ਾਂਤ ਕਿਸ਼ੋਰ ਨੇ ਗੋਆ ਮਿਊਜ਼ੀਅਮ ਵਿੱਚ ਰੱਖੇ  ਇੱਕ ਪ੍ਰੋਗਰਾਮ ਦੌਰਾਨ ਕਿਹਾ ਕਿ ਰਾਹੁਲ ਗਾਂਧੀ ਨਰਿੰਦਰ ਮੋਦੀ ਦੀ ਤਾਕਤ ਤੋਂ ਅਣਜਾਣ ਹਨ, ਜਿਨ੍ਹਾਂ ਨੂੰ ਇਹ ਲੱਗਦਾ ਹੈ ਕਿ ਲੋਕ ਨਰਿੰਦਰ ਮੋਦੀ ਤੋਂ ਨਾਰਾਜ਼ ਹਨ ਤੇ ਨਾਰਾਜ਼ ਹੋ ਕੇ ਉਹ ਨਰਿੰਦਰ ਮੋਦੀ ਨੂੰ ਸੱਤਾ ਤੋਂ ਹਟਾ ਦੇਣਗੇ ਪਰ ਅਜਿਹਾ ਨਹੀਂ ਹੋਵੇਗਾ।ਉਨ੍ਹਾਂ ਕਿਹਾ ਕਿ ਭਾਜਪਾ ਆਉਣ ਵਾਲੇ ਦਹਾਕਿਆਂ ਤੱਕ ਰਾਜਨੀਤੀ ‘ਚ ਇੱਕ ਮਜਬੂਤ ਤਾਕਤ ਬਣੀ ਰਹੇਗੀ ਤੇ ਚੋਣ ਮੈਦਾਨ ਵਿਚ ਭਾਜਪਾ ਨਾਲ ਕਈ ਦਹਾਕਿਆਂ ਤੱਕ ਲੜਨਾ ਹੋਵੇਗਾ।ਮੋਦੀ ਨਾਲ ਲੜਨ ਲਈ ਉਨ੍ਹਾਂ (ਮੋਦੀ) ਦਾ ਮੁਕਾਬਲਾ ਕਰਨ ਦੇ ਯੋਗ ਹੋਣਾ ਹੋਵੇਗਾ।