ਗੁਰੂਗ੍ਰਾਮ – ਖੁੱਲ੍ਹੇ ‘ਚ ਨਮਾਜ਼ ਨੂੰ ਲੈ ਕੇ ਫਿਰ ਪ੍ਰਦਰਸ਼ਨ, ਪੁਲਿਸ ਨੇ 30 ਲੋਕ ਲਏ ਹਿਰਾਸਤ ‘ਚ

ਗੁਰੂਗ੍ਰਾਮ, 29 ਅਕਤੂਬਰ – ਦਿੱਲੀ ਦੇ ਨਾਲ ਲੱਗਦੇ ਹਰਿਆਣਾ ਦੇ ਗੁਰੂਗ੍ਰਾਮ ‘ਚ ਖੁੱਲ੍ਹੇ ‘ਚ ਨਮਾਜ਼ ਨੂੰ ਲੈ ਕੇ ਵਿਵਾਦ ਗਹਿਰਾਉਂਦਾ ਜਾ ਰਿਹਾ ਹੈ। ਪੁਲਿਸ ਨੇ ਹਾਲਾਂਕਿ 37 ਥਾਵਾਂ ‘ਤੇ ਖੁੱਲ੍ਹੇ ‘ਚ ਨਮਾਜ਼ ਦੀ ਇਜਾਜ਼ਤ ਦਿੱਤੀ ਹੈ। ਪਰੰਤੂ ਕੁੱਝ ਹਿੰਦੂ ਸੰਗਠਨ ਨਮਾਜ਼ ਦੇ ਦੌਰਾਨ ਮਾਹੌਲ ਖਰਾਬ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਅੱਜ ਵੀ ਜਿਵੇਂ ਹੀ ਜੁੰਮੇ ਦੀ ਨਮਾਜ਼ ਦਾ ਸਮਾਂ ਹੋਇਆ ਤਾਂ ਹਿੰਦੂ ਸੰਗਠਨਾਂ ਦੇ ਕੁੱਝ ਮੈਂਬਰਾਂ ਨੇ ਨਮਾਜ਼ ਵਾਲੀ ਜਗ੍ਹਾ ‘ਤੇ ਪਹੁੰਚ ਕੇ ਨਾਅਰੇਬਾਜ਼ੀ ਸ਼ੁਰੂ ਕਰ ਦਿੱਤੀ, ਜਿਸ ਤੋਂ ਬਾਅਦ ਪੁਲਿਸ ਨੇ 30 ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ ਹੈ।