ਆਰੀਅਨ ਖਾਨ ਕੁੱਝ ਹੀ ਘੰਟਿਆਂ ‘ਚ ਜੇਲ੍ਹ ਤੋਂ ਹੋਣਗੇ ਰਿਹਾਅ

ਮੁੰਬਈ, 30 ਅਕਤੂਬਰ – ਮਾਮਲੇ ‘ਚ ਐਨ.ਸੀ.ਬੀ ਵੱਲੋਂ ਗ੍ਰਿਫ਼ਤਾਰ ਕੀਤੇ ਗਏ ਫਿਲਮੀ ਅਦਾਕਾਰ ਸ਼ਾਹਰੁੱਖ ਖਾਨ ਦੇ ਬੇਟੇ ਆਰੀਅਨ ਖਾਨ ਨੂੰ ਕੁੱਝ ਹੀ ਘੰਟਿਆਂ ਅੰਦਰ ਜੇਲ੍ਹ ਤੋਂ ਰਿਹਾਈ ਮਿਲ ਜਾਵੇਗੀ।ਅੱਜ ਸਵੇਰੇ ਆਰੀਅਨ ਖਾਨ ਦੀ ਰਿਹਾਈ ਨਾਲ ਜੁੜੇ ਦਸਤਾਵੇਜ਼ ਜਮਾਨਤ ਪੱਤਰ ਪੇਟੀ ਵਿਚ ਜਮਾਂ ਹੋ ਚੁੱਕੇ ਹਨ। ਹਾਲਾਂਕਿ ਬੌਂਬੇ ਹਾਈਕੋਰਟ ਵੱਲੋਂ ਵੀਰਵਾਰ ਨੂੰ ਆਰੀਅਨ ਖਾਨ ਨੂੰ ਜਮਾਨਤ ਦੇ ਦਿੱਤੀ ਗਈ ਸੀ। ਆਰੀਅਨ ਖਾਨ ਨਾਲ ਅਰਬਾਜ਼ ਮਰਚੈਂਟ ਅਤੇ ਮੁਨਮੁਨ ਧਮੇਚਾ ਨੂੰ ਵੀ ਜਮਾਨਤ ਮਿਲ ਗਈ ਸੀ। ਉੁਸ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਸੈਸ਼ਨ ਕੋਰਟ ਵਿਚ ਜਮਾਨਤੀ ਬਾਂਡ ਭਰਨ ਦੀ ਕਾਰਵਾਈ ਪੂਰੀ ਕੀਤੀ ਗਈ ਸੀ, ਪਰ ਜਮਾਨਤ ਦੇ ਕਾਗਜ਼ਾਤ ਮੁੰਬਈ ਆਰਥਰ ਰੋਡ ਜੇਲ੍ਹ ਦੀ ਜਮਾਨਤ ਪੇਟੀ ਵਿਚ ਜਮ੍ਹਾਂ ਨਹੀਂ ਹੋਏ ਸਨ, ਜਿਸ ਕਰਕੇ ਰਿਹਾਈ ਟਲ ਗਈ ਸੀ।ਆਰੀਅਨ ਖਾਨ ਨੂੰ ਲੈਣ ਲਈ ਸ਼ਾਹਰੁੱਖ ਖਾਨ ਦੇ ਘਰ ਮੰਨਤ ਤੋਂ ਗੱਡੀਆਂ ਦਾ ਕਾਫਿਲਾ ਨਿਕਲ ਚੁੱਕਾ ਹੈ।