ਰਾਜਸਥਾਨ – ਬੱਸ ਅਤੇ ਟੈਂਕਰ ਟ੍ਰੇਲਰ ਦੀ ਟੱਕਰ ‘ਚ 12 ਮੌਤਾਂ

ਜੈਪੁਰ, 10 ਨਵੰਬਰ – ਰਾਜਸਥਾਨ ਦੇ ਬਾਡਮੇਰ-ਜੋਧਪੁਰ ਹਾਈਵੇ ‘ਤੇ ਹੋਏ ਭਿਆਨਕ ਸੜਕ ਹਾਦਸੇ ਵਿਚ 12 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਕਈ ਜਖਮੀਂ ਹੋ ਗਏ। ਇਹ ਹਾਦਸਾ ਉਸ ਸਮੇਂ ਹੋਇਆ ਜਦੋਂ ਪ੍ਰਾਈਵੇਟ ਬੱਸ ਦੀ ਬਾਡਮੇਰ-ਜੋਧਪੁਰ ਹਾਈਵੇ ‘ਤੇ ਪਚਪਦਰਾ ਨੇੜੇ ਗਲਤ ਦਿਸ਼ਾ ਤੋਂ ਆ ਰਹੇ ਟੈਂਕਰ ਟ੍ਰੇਲਰ ਨਾਲ ਟੱਕਰ ਹੋ ਗਈ। ਟੱਕਰ ਇੰਨੀ ਭਿਆਨਕ ਸੀ ਕਿ ਬੱਸ ਨੂੰ ਅੱਗ ਲੱਗ ਗਈ ਤੇ ਬੱਸ ਵਿਚ ਸਵਾਰ 12 ਯਾਤਰੀਆਂ ਦੀ ਸੜਨ ਨਾਲ ਮੌਤ ਹੋ ਗਈ। ਹਾਦਸੇ ਸਮੇਂ ਬੱਸ ਵਿਚ 2 ਦਰਜਨ ਦੇ ਕਰੀਬ ਯਾਤਰੀ ਸਵਾਰ ਸਨ। ਹਾਦਸੇ ਤੋਂ ਬਾਅਦ ਜਖਮੀਂਆਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।