ਜਨਮਦਿਨ ਦੀ ਪਾਰਟੀ ਦੌਰਾਨ ਘਰ ਦੀ ਛੱਤ ‘ਤੇ ਗੋਲ਼ੀਆਂ ਚਲਾਉਣ ਵਾਲੇ 5 ਵਿਅਕਤੀ ਹਥਿਆਰਾਂ ਸਣੇ ਕਾਬੂ

ਇੰਦਰਾ ਕਾਲੋਨੀ ਵਿੱਖੇ ਸ਼ੇਖਰ ਸਿੰਘ ਉਰਫ ਸ਼ੇਰਾ ਵਾਸੀ ਇੰਦਰਾ ਕਾਲੋਨੀ ਦੇ ਘਰ ਜਨਮਦਿਨ ਦੀ ਪਾਰਟੀ ਦੌਰਾਨ ਘਰ ਦੀ ਛੱਤ ਦੇ ਕੁੱਝ ਨੌਜਵਾਨਾ ਵੱਲੋਂ ਫਾਇਰਿੰਗ ਕਰਨ ਦੇ ਮਾਮਲੇ ‘ਚ ਪੁਲਿਸ ਨੇ 5 ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ। ਮੁਲਜ਼ਮਾਂ ਕੋਲੋਂ ਇਕ ਰਿਵਾਲਵਰ .32 ਬੋਰ ਸਮੇਤ 04 ਜ਼ਿੰਦਾ ਰੌਂਦ, ਇਕ .12 ਬੋਰ ਦੋਨਾਲੀ, ਇੱਕ .32 ਬੋਰ ਪਿਸਟਲ 02 ਜ਼ਿੰਦਾ ਰੌਦ ਅਤੇ ਇੱਕ .315 ਬੋਰ ਰਾਈਫਲ 02 ਜ਼ਿੰਦਾ ਰੌਦ ਬਰਾਮਦ ਕੀਤੇ ਗਏ। ਪੁਲਿਸ ਪਾਰਟੀ ਵੱਲੋਂ ਤੁਰੰਤ ਕਾਰਵਾਈ ਕਰਦੇ ਹੋਏ, ਸ਼ੇਖਰ ਸਿੰਘ ਉਰਫ ਸ਼ੇਰਾ ਵਾਸੀ ਇੰਦਰਾ ਕਾਲੋਨੀ ਦੇ ਘਰ ਪੁੱਜ ਕੇ ਘਰ ਦੀ ਛੱਤ ਉੱਪਰ ਫਾਇਰ ਕਰ ਰਹੇ 05 ਵਿਅਕਤੀ 1) ਸ਼ੇਖਰ ਸਿੰਘ ਉਰਫ ਸ਼ੇਰਾ ਪੁੱਤਰ ਵੱਸਣ ਸਿੰਘ ਵਾਸੀ ਗਲੀ ਗੁਰਦੁਆਰਾ ਵਾਲੀ ਇੰਦਰਾ ਕਾਲੋਨੀ ਅੰਮ੍ਰਿਤਸਰ, ਉਮਰ 40 ਸਾਲ, ਬ੍ਰਾਮਦ, 01 ਰਿਵਾਲਵਰ .32 ਬੋਰ ਸਮੇਤ 04 ਜਿੰਦਾ ਰੌਦ, 2) ਰਾਜਬੀਰ ਸਿੰਘ ਪੁੱਤਰ ਰੁ ਲਦਾ ਸਿੰਘ ਵਾਸੀ ਪਿੰਡ ਛੋਟਾ ਥਾਣਾ ਵੈਰੋਵਾਲ ਜਿਲਾ ਤਰਨ ਤਾਰਨ, ਉਮਰ 38 ਸਾਲ, ਬ੍ਰਾਮਦ .12 ਬੋਰ ਦੋਨਾਲੀ, 3) ਨਵਜੀਤ ਸਿੰਘ ਪੁੱਤਰ ਜਗਜੀਤ ਸਿੰਘ ਵਾਸੀ ਨੱਬੇ ਕੇ ਥਾਣਾ ਵੈਰੋਵਾਲ, ਜਿਲਾ ਤਰਨ ਤਾਰਨ, ਉਮਰ 30 ਸਾਲ, ਬ੍ਰਾਮਦ .32 ਬੋਰ ਪਿਸਟਲ 02 ਜਿੰਦਾ ਰੌਦ, 4) ਹਰਜਿੰਦਰ ਸਿੰਘ ਉਰਫ ਲੱਕੀ ਪੁੱਤਰ ਇਕਬਾਲ ਸਿੰਘ ਵਾਸੀ ਪਿੰਡ ਢੋਟਾ ਥਾਣਾ ਵੈਰੋਵਾਲ ਜ਼ਿਲ੍ਹਾ ਤਰਨਤਾਰਨ ਉਮਰ 39 ਸਾਲ, ਬ੍ਰਾਮਦ .315 ਬੋਰ ਰਾਈਫਲ 02 ਜਿੰਦਾ ਰੌਦ ਅਤੇ 5) ਸ਼ੇਰ ਸਿੰਘ ਉਰਫ ਸ਼ੇਰਾ ਪੁੱਤਰ ਧਰਮ ਸਿੰਘ ਵਾਸੀ ਗਲੀ ਨੰਬਰ 07, ਨੇੜੇ ਰੇਲਵੇ ਫਾਟਕ, ਇੰਦਰਾ ਕਾਲੋਨੀ, ਝਬਾਲ ਰੋਡ, ਅੰਮ੍ਰਿਤਸਰ ਉਮਰ 34 ਸਾਲ ਨੂੰ ਕਾਬੂ ਕਰਕੇ ਮੁਕੱਦਮਾ ਨੰਬਰ 35 ਮਿਤੀ 26.02.2024 ਜੁਰਮ 336,148,149 ਭ:ਦ:, 25/27/29/30 ਅਸਲ੍ਹਾਂ ਐਕਟ, ਥਾਣਾ ਗੇਟ ਹਕੀਮਾਂ, ਅੰਮ੍ਰਿਤਸਰ ਦਰਜ਼ ਰਜਿਸਟਰ ਕੀਤਾ ਗਿਆ