ਤਾਇਵਾਨ – ਇਮਾਰਤ ਨੂੰ ਲੱਗੀ ਅੱਗ ‘ਚ 46 ਮੌਤਾਂ

ਤਾਈਪੇ, 14 ਅਕਤੂਬਰ – ਦੱਖਣੀ ਤਾਈਵਾਨ ਦੇ ਕਾਓਸ਼ਯੁੰਗ ਸ਼ਹਿਰ ਵਿਖੇ ਇੱਕ 13 ਮੰਜ਼ਿਲਾਂ ਇਮਾਰਤ ਨੂੰ ਅੱਗ ਲੱਗਣ ਕਾਰਨ ਘੱਟੋਂ ਘੱਟ 46 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਕਈ ਲੋਕ ਜਖਮੀਂ ਹੋਏ ਹਨ। ਫਾਇਰ ਬ੍ਰਿਗੇਡ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਅੱਗ ਤੜਕਸਾਰ 3 ਕੁ ਵਜੇ ਲੱਗੀ ਸੀ ਤੇ ਅੱਗ ਲੱਗਣ ਦੇ ਕਾਰਨਾਂ ਦਾ ਕੁੱਝ ਪਤਾ ਨਹੀਂ ਲੱਗਾ ਹੈ।ਚਸ਼ਮਦੀਦਾਂ ਅਨੁਸਾਰ ਉਨ੍ਹਾਂ ਨੇ ਤੜਕੇ 3 ਵਜੇ ਇੱਕ ਧਮਾਕੇ ਦੀ ਆਵਾਜ਼ ਸੁਣੀ ਸੀ। ਐਸੋਸੀਏਟਡ ਪ੍ਰੈਸ ਦੀ ਰਿਪੋਰਟ ਅਨੁਸਾਰ ਅਨੁਸਾਰ ਇਹ ਇਮਾਰਤ 40 ਸਾਲ ਪੁਰਾਣੀ ਸੀ, ਜਿਸ ਦੇ ਹੇਠਾਂ ਦੁਕਾਨਾਂ ਅਤੇ ਉੱਪਰ ਅਪਾਰਟਮੈਂਟ ਸੀ।