ਟਿਕਰੀ ਬਾਰਡਰ ‘ਤੇ ਤੇਜ ਰਫਤਾਰ ਟਿੱਪਰ ਨੇ ਅੰਦੋਲਨਕਾਰੀ ਕਿਸਾਨ ਮਹਿਲਾਵਾਂ ਨੂੰ ਦਰੜਿਆ, 3 ਮੌਤਾਂ

ਝੱਜਰ, 28 ਅਕਤੂਬਰ – ਟਿਕਰੀ ਬਾਰਡਰ ‘ਤੇ ਤੇਜ ਰਫਤਾਰ ਟਿੱਪਰ ਵੱਲੋਂ ਦਰੜੇ ਜਾਣ ‘ਤੇ 3 ਕਿਸਾਨ ਅੰਦੋਲਨ ‘ਚ ਸ਼ਾਮਿਲ ਬਜ਼ੁਰਗ ਮਹਿਲਾਵਾਂ ਦੀ ਮੌਤ ਹੋ ਗਈ ਜਦਕਿ 3 ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਬਹਾਦੁਰਗੜ ਬਾਈਪਾਸ ਫਲਾਈਓਵਰ ਹੇਠ ਝੱਜਰ ਰੋਡ ‘ਤੇ ਹੋਏ ਇਸ ਹਾਦਸੇ ‘ਚ ਮਹਿਲਾਵਾਂ ਨੂੰ ਦਰੜੇ ਜਾਣ ਤੋਂ ਬਾਅਦ ਟਿੱਪਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਜਿਸ ਸਮੇਂ ਇਹ ਹਾਦਸਾ ਵਾਪਰਿਆ ਕਿਸਾਨ ਮਹਿਲਾਵਾਂ ਡਿਵਾਇਡਰ ‘ਤੇ ਬੈਠੀਆਂ ਹੋਈਆਂ ਸਨ। ਇਹ ਅੰਦੋਲਨਕਾਰੀ ਕਿਸਾਨ ਮਹਿਲਾਵਾਂ ਮਾਨਸਾ ਜ਼ਿਲ੍ਹੇ ਨਾਲ ਸਬੰਧਿਤ ਦੱਸੀਆਂ ਜਾ ਰਹੀਆਂ ਹਨ, ਜੋ ਕਿ ਕਿਸਾਨ ਰੋਟੇਸ਼ਨ ਤਹਿਤ ਆਪਣੇ ਘਰਾਂ ਨੂੰ ਵਾਪਿਸ ਜਾ ਰਹੀਆਂ ਸਨ।