ਜ਼ਿਮਨੀ ਚੋਣ ਨਤੀਜੇ – ਹਿਮਾਚਲ ‘ਚ ਕਾਂਗਰਸ ਦਾ ਕਲੀਨ ਸਵੀਪ

ਸ਼ਿਮਲਾ, 2 ਨਵੰਬਰ – ਹਿਮਾਚਲ ਪ੍ਰਦੇਸ਼ ਦੀਆਂ 3 ਵਿਧਾਨ ਸਭਾ ਸੀਟਾਂ ‘ਤੇ ਜ਼ਿਮਨੀ ਚੋਣ ਦੇ ਨਤੀਜਿਆ ‘ਚ ਕਾਂਗਰਸ ਨੇ ਕਲੀਨ ਸਵੀਪ ਕੀਤਾ ਹੈ। ਤਿੰਨੋਂ ਸੀਟਾਂ ‘ਤੇ ਕਾਂਗਰਸ ਦੇ ਉਮੀਦਵਾਰ ਜਿੱਤੇ ਹਨ। ਅਰਕੀ ਵਿਧਾਨ ਸਭਾ ਤੋਂ ਕਾਂਗਰਸ ਦੇ ਸੰਜੇ ਅਵਸਥੀ ਨੇ 3219 ਵੋਟਾਂ ਨਾਲ ਭਾਜਪਾ ਦੇ ਰਤਨ ਸਿੰਘ ਨੂੰ ਹਰਾਇਆ ਜਦਕਿ ਫਤਿਹਪੁਰ ਵਿਧਾਨ ਸਭਾ ਸੀਟ ਤੋਂ ਕਾਂਗਰਸ ਦੇ ਭਵਾਨੀ ਪਠਾਨੀਆ ਨੇ ਜਿੱਤ ਹਾਸਿਲ ਕੀਤੀ। ਇਸੇ ਤਰਾਂ ਜੁੱਬਲ ਕੋਟਖਾਈ ਤੋਂ ਕਾਂਗਰਸ ਦੇ ਰੋਹਿਤ ਠਾਕੁਰ ਜੇਤੂ ਰਹੇ ਜਦਕਿ ਆਜ਼ਾਦ ਉਮੀਦਵਾਰ ਚੇਤਨ ਬਰਾਗਟਾ ਦੂਸਰੇ ਨੰਬਰ ‘ਤੇ ਅਤੇ ਭਾਜਪਾ ਉਮੀਦਵਾਰ ਨੀਲਮ ਸਰੈਕ ਤੀਸਰੇ ਨੰਬਰ ‘ਤੇ ਰਹੀ ਜਿਸ ਦੀ ਜਮਾਨਤ ਜ਼ਬਤ ਹੋ ਗਈ।