ਕਿਸਾਨਾਂ ਵੱਲੋਂ ਕੰਗਣਾ ਰਣੌਤ ਦਾ ਘੇਰਾਓ

ਕੀਰਤਪੁਰ ਸਾਹਿਬ, 3 ਦਸੰਬਰ – ਵਿਵਾਦਿਤ ਬਿਆਨਾਂ ਕਰਕੇ ਸੁਰਖੀਆਂ ‘ਚ ਰਹਿਣ ਵਾਲੀ ਹਿੰਦੀ ਫਿਲਮਾਂ ਦੀ ਹੈਰੋਇਨ ਕੰਗਣਾ ਰਣੌਤ ਦਾ ਕਿਸਾਨਾਂ ਵੱਲੋਂ ਘੇਰਾਓ ਕੀਤਾ ਗਿਆ। ਚੰਡੀਗੜ੍ਹ-ਊਨਾ ਹਾਈਵੇ ‘ਤੇ ਕੀਰਤਪੁਰ ਸਾਹਿਬ ਨੇੜੇ ਬੁੰਗਾ ਸਾਹਿਬ ਕੋਲ ਕਿਸਾਨਾਂ ਵੱਲੋਂ ਕੰਗਣਾ ਰਣੌਤ ਦੇ ਕਾਫਿਲੇ ਦਾ ਘੇਰਾਓ ਕਰਦੇ ਹੋਏ ਉਸ ਦੀ ਕਾਰ ਨੂੰ ਰੋਕ ਲਿਆ ਗਿਆ।ਕਿਸਾਨਾਂ ਵੱਲੋਂ ਨਾਅਰੇਬਾਜ਼ੀ ਕਰਦੇ ਹੋਏ ਕੰਗਣਾ ਰਣੌਤ ਨੂੰ ਉਸ ਵੱਲੋਂ ਦਿੱਤੇ ਵਿਵਾਦਿਤ ਬਿਆਨਾਂ ਲਈ ਕਿਸਾਨਾਂ ਅਤੇ ਔਰਤਾਂ ਤੋਂ ਮਾਫੀ ਮੰਗਣ ਦੀ ਮੰਗ ਕੀਤੀ ਜਾ ਰਹੀ ਹੈ।ਕਿਸਾਨਾਂ ਮੁਤਾਬਿਕ ਕੰਗਣਾ ਰਣੌਤ ਮਾਫੀ ਮੰਗੇ ਫਿਰ ਹੀ ਉਸ ਨੂੰ ਅੱਗੇ ਜਾਣ ਦਿੱਤਾ ਜਾਵੇਗਾ। ਇਸ ਦੌਰਾਨ ਭਾਰੀ ਮਾਤਰਾ ਵਿਚ ਪੁਲਿਸ ਫੋਰਸ ਮੌਕੇ ‘ਤੇ ਮੌਜੂਦ ਹੈ।